嚴格來說今天是第一天~ 較早前老婆要借地方做 SLEEP TEST, 所以佢過左來訓左兩個星期~

過去兩週都試過好多野, 試過自己下廚三次, 計埋今晚四次~

第一次都叫做過得去啦~ 飯就硬左D, 但係我覺得菜就 OK, 不過第一次不算得上甚麼, 因為只係罐頭肉碎炒耶菜.

第二次就失敗的, 係個飯衰左... 看似比上次多水, 但係飯卻煮不透, 煮不熟...

第三次就終於成功喇~ 飯OK, 炒來了一碟西芹雞柳, 又番熱了媽媽的咖喱雞~

今天呢, 在百佳買了些墨丸和八爪魚丸, 炒白菜仔~ 飯OK 冇硬...





味道都有點兒似我媽所煮的... 好開心.

今年的聖週 - 基督受難前的一週... 有好多新事新安排~

香港教區編印了新的聖週禮儀書, 所謂的新, 只係將現有的禮儀修正, 符合梵帝崗所批淮的禮儀....

當中亦有不少新歌加入, 經文也作出改動 ( 尤其是答唱詠 ), 正因為這樣, 身為歌詠團指揮的我多了一樣東西要做, 就是要唸方法, 如何能樣歌詠團團員能在短時間內熟識新歌的內容與詠唱... 再而要做得到帶領得到教友投入禮儀....

我始終相信天主的安排, 沒有衪, 這個尚算衝忙的改動也不知如何是好...

話說我收到通知聖週禮儀有新書是在二月間, 玫瑰堂一慣風格是早早安排一切, 那時, 各禮儀單位早已基礎於舊禮儀書及舊禮儀預備好了, 對於這突如其來的消息,

心裏有憂慮 - 為何改動來得這麼緊迫? 尤其是知道聖週六的禮儀書要到聖枝主日 ( 即週六前的一個星期天 ) 出版?! 網上版又只有經文, 新歌又只有一部份 ( 雖然最終發現其餘的都是舊歌 )... 我們本身安排領唱員也不足, 要多找幾人... 領唱員對新曲又缺乏認識 ( 連講乜都唔知, 點領呢? )

另一邊廂又感歡喜 - 禮儀漸漸變得跟羅馬方面一致, 不用再與 "舊人" "討論" 這禮儀對不對, 那禮儀合不合理, 因為新書都跟著羅馬方面去編寫. 另外終於, 拉丁文歌詠可以回到聖堂了~ 不是只在一個月一次的拉丁文彌撒中出現, 為以後在彌撒中詠唱拉丁文歌曲安排了好好的一著.

--

聖週四 - 主的晚餐禮儀

負責之指揮都選用了舊歌, 可憐領經對新書始終不太熟識, 禮儀後部好像不會反應般... 有點令人憂累週五和週六如何...

自已會覺得禮儀書很清楚了, 只要跟著一步步去走就可以.

--

聖週五 - 基督受難禮儀

負責之指揮選用了新的答唱詠和福音前歡呼, 坦白說, 信眾的詠唱不是太響, 似乎大家都不熟識這些新作. 幸好歌詠團可以做得好領唱的角色, 不致於全堂靜默.

禮儀書也寫得很清楚, 也是跟著一步步去走就可以.

或許, 新舊書的分別不大吧...

--

聖週六 - 復活守夜感恩祭

今年我是忙得不可開交... 今年做代父, 指揮, 領唱 ^^ 始終信德不足, 還是帶著一心憂慮去到聖堂...

早上很早就起來, 趕制指揮用的禮儀書 ( 其實只係張歌譜伴奏譜和經文合拼, 唔駛拿住禮儀書翻來翻去, 指揮時又要搵野夾住本禮儀書....

回到聖堂經已是下午二時半... 托賴可以趕得起指揮用書, 趕得切練歌用...

今年堂區於星期六也安排了兩台彌撒, 因此所有禮儀單位都要同時肩顧兩邊的彌撒, 聖詠團團員數也因而分薄了...

三小時練歌過去, 大家都對歌曲熟識了, 也放下了一個擔憂...

彌撒開始, 早已 standby 在下層 organ 前, 與經樓指揮和領經溝通著, 一路順暢, 順利地進入聖道禮... 舊約讀經也去到最後一篇... 呢個時候... 領經竟然無啦啦講光榮頌... 當場連神父在內也被嚇一驚... 我也忍不住回頭向領經說... 讀經七漏了... 領經似乎好像吃了驚呆了, 直至輔祭過來教她, 她才從驚慌中醒過來...

然後, 福音前歡呼又 cut 短左... 應該用長式... 卻不知何解短左...

最驚的地方就是歡迎禮和信友禱文, 當中出現了誤會:
原先安排是在歡迎禮後我要上經樓接續指揮... 可能大家都被嚇昏了, 堅振禮儀後直落了信友禱文... 這一回讀禱文的朋友們要急急的跑出來準備 ( 原先安排是在歡迎禮中準備 )... 我也要馬上跑上經樓接續...
天主安排很奇妙, 即使這樣漏過了, 仍可以安排~
輔祭走上經樓通知我, 禱文後會做番歡迎禮...
最後領主後詠... 領經發呆的望著祭台, 沒有讓大家唱這歌...

^^... 見到新教友很開心, 我也很感動~

今個聖週六在我身上發生了兩個第一次~ 第一次在彌撒中拉親條頸, 第一次在彌撒中無啦啦失聲...

--

復活主日 - 嬰兒洗禮

由於拉親條頸, 好感謝同團另一位指揮幫忙, 頂替了嬰兒洗禮指揮.

今年有三十多個小孩領洗, 當中我見到, 有幾個家庭應該是家長在昨晚洗禮, 孩子在今天洗禮, 一個復活節過後就成了一家公教家庭~ 好感恩~

不過親友卻不是太友善...

禮儀上安排了一位資深攝影師, 拿著專業攝影機, 為一個個候洗者影相... 我想他也為玫瑰堂服務超過 10 年.....
有一名親友欲為孩子影洗禮的一刻, 阻塞著通道, 並出此言...

"... 我俾那個人影相更專業 ( 手中拿著一部 DC 仔 ) ..." 語態輕挑, 似乎不像是一位教友... 教友不會這樣的自以為是...

你拿著 DSLR 我也不怪你輕挑, 拿著 DC 仔就不要亂說話...

不會尊重人的人, 不要想人家來尊重你.

--

老婆在廣州回來了, 買了兩套婚紗回來... 也買了好多 "靚靚" ( 老婆很開心地叫著買了好多 "靚靚" ).

又好想再去行喎... 安排到時間而又真係有野要再買先再上啦~

老婆真係好開心, 剛剛晚上就試穿了新婚紗, 又特地化了妝, 看她開心得很, 我也很開心~

希望她懷著開心的心情去籌備婚禮吧.

為一把 JIGSAW 吵架... 在我的角度係永遠都唔會明白點解要咁吵...

妳唔想我再打搞舅父, 妳出句聲, 好駛我唔好再打搞人地...

唔好口講是但求其, 你自已傾, 心想我唔好點點點...

冇人會百份百估到另一個人想點, 暗示點, 估到係妳好彩, 估唔到唔係錯... 冇反應更加唔代表 D 乜.

同個人細唔細心冇關係, 冇人會估到妳內心世界係點, 尤其係妳永遠都以為妳才是對, 人家說乜都是錯, 唔好旨意人地會知妳唸乜.

我有一把JIGSAW, 我一晚就搞掂個房喇. 差呢張....

因為要据好長, 又成十點幾喇, 唔搞喇, 明晚再續...

我只係想要一把 JIGSAW 而已... 我又冇話要舅父幫手, 我淨係要一把JIGSAW....

點解妳要阻撓我十多分鐘, 重覆教訓我都唔肯幫手~

及後講乜都冇用.... 我唔係要人施捨, 我都有尊嚴, 我求人幫忙冇預到要受教訓之餘仲要得個吉~!

當場俾唔到回應... 及後乜野O岩O既回應都係冇用.... 及後點妥協都係冇用... 因為人地當場已決定唔駛妳幫手啦, 明唔明呀~! 我情願俾幾百蚊買都唔想咁樣搵妳幫呀, 教訓完仲要得個吉~!

 

幾時妳先會學識將心O個句講出來... 而唔係表面大方, 內裏狹窄~!

上主偉大, 又有歌給我聽~ 又有話要講我知.

以感恩為祭

團契遊樂園 5 - 應許

主，為祢的恩典，我要滿心感謝，
由泥內生機到變幻天氣，讓這世界各樣完備。
主，為祢的恩手，我要滿心感謝，
由扶助拯救到試煉阻攔，導我按祢正路前行。
我出生前祢已深知我，到了今天亦有幫助，
為我備救恩召我出黑暗，做祢聖潔國度人民。
主，為祢的恩言，我要滿心感謝，
由提示安慰到責備管教，內裡有祢愛念呈現。
主，為祢的恩情，我要滿心感謝，
也要常思想晝夜數算，藉愛見證祢大能。
祢的安排往往多新意，祢有豐賞亦會收取，
微細調配中讓我得益處，現我再看天恩處處。
神呀！祢恩典太美妙神奇，配得萬眾稱善，
我要以感恩為祭獻給祢，並永記念祢作為。